Jal Shakti Abhiyan nungi ketdangsertemi Longleng semdang

Longleng, Luroi/August 23 (TYO): Dharam Raj IAS, Assistant Secretary den Jal Shakti Abhiyaan Ministry nungi ketdangser anati Longleng semdangogo; August 19 nü parnoki District administration den külemi Yachem, Sanglu, Yaongyimsen, Chingtok aser Orongkong nung RKUY Fishery ponds, community water reservoir aser KUK water conservation dam semdanga liasü, ta ketdangsertem osang ka ajanga metetdaktsü.
August 20 nü Jal Shakti Abhiyaan nungi Shakshi block official-i Pongo yim semdanger. Parnoki iba tesem semdangba nükjidongji küm piyong nüburtemi tajemtzü tzü tajung angutsü, tzübotem geo tagging asütsü aser tzü sources jangjatsü atema liasü.
Parnokisa nija ango tzübotem aser community water reservoir-a semdanga liasü.