Jala Imtimenla taküm kümzüktsü atema asen Aor ajunga dangi tajung samaria mapa ama tenla agi yariteptsü ni kanga mepishir

– Limakumzuk.

    Jala Imtimenla ya Chungliyimsentsür aser la arishi küm 14 tain aser tang la class 7 nung zünga lia tashidak tulu den raraba agi Dimapur nung Corner Stone Higher Secondary School nung zünga lia June 2016 ita last nung School toktsü ta angazüker. La tekolak nung Brain tumor or Intracranial neoplasm diagnosed agi la arishi küm 2 ser tesadang alidang nungi iba timtem ajanga kangshia arur aser tsurabur iba timtem tia jagi joko küm aika okronger. La taküm kümzüktsü aser operation agitsü atema sen 10 lakh dak tema indoktsüla saka lar temeimer aser kinunger teyari nungi bendentsüba jagi ano lakh ka majunger iba khuret tulu jagi neneter temeimer kar ajanga paper ajanga temeim tenla bententsü Nagaland Post dt. 16-10-2016 page 7 nung la noksa dena adokja lir, iba osang adokba ngur ni temolong kanga ayanga bilem ano parnoki contact number agüja aliba ajanga ni asüngdanga jembidang parnoki tatalokba rasaa ashidang kü mulung nung kokoa kongshi aser meima bilemtsür, joko parnoki paper nung nübortem nem metetdaktsür hapta ana abensa arur saka tenla bendentsü (fund raise) atema kecha telokia yimyim ayimokja mangashir, anungji ni asen Ao kin nübor ajak dang temeim tenla tenlatsü iba TYY ajanga ano ayimoktsür, joko teyari mapaji kanga ilongdaktsünüa mepishir.
Ni ya lar den sosem-a masü, Tzükongpur-a masü, taliba Town-a balala saka Yisu Khrista nung shimang ka aser Yisu ka dak asenok ajak arok amanger.
Hauni…asen jakdang anogo shia kibong shia amai timtemer aser tasür ajurur, yarir-a meyarimar, mesemdangmar aser iba den pei kibong maparen aser office mapaa pending süaka asenok dak temeim talubusa aliba agi aji oda süaka manguba aser memetetba takümtem kumzüktsü aser yaritsü asenok dak nongnanga aser kurua mali, iba jagi timtemer nem anisüngzük agütsür, koda jangratemtsü, Tsüngrem tenüngang tali sangdi.
Taoba ita Nagaland Post nung India nung yimti ka nung nisung kanga longsua alidak yimti yimdong nung tebur chanu ka yirur asüba mang merepdaka aliba asenoki adoka nguogo. Paper nung zülua aliba agi iba Town nungji GOOD SAMARITAN ali asübo iba asanguba mesüi taküm kümzükla ta zülua angu, asenok nisung ka yangji ali asübo paji yaridanger lila, koda tesasatsü.
Shirnoki tenla agutsüdir Envelop nung jala tenüng den nüngdak abensaa zülur par den ontact Mobile No. 9612853687 ajanga jembir yoktsü mepishir. Par kibong ya Dimapur nung Duncan Basti kiyong nung  alir aser DABA kübok amangba purtem rongnung züngsema lir.
Chichiba temeim nungbo teti mapa dena alir, kechiaser Yisui asenok nem ibai inyaktsü ozüng ama yuja kar. Tsüngremi tetenlar nem talubosa moajangma. Amen.