Jalukie jila nung Job Fair agiogo

Peren, Aami/June 28 (TYO): District Administration aser Department of Employment, Skill Development & Entrepreneurship Govt. of Nagaland nati Emporium Skill Training Institute den ayongteper June 28, 2019 nü Peren District nung mapa mangur lanurtem atema Zeliangrong Baudi Hall, Jalukie nung job fair ka ayongzüka agiogo, ta ketdangsertem osang ka ajanga metetdaktsü.
Okila jembidang India & International Emporium Skill Training Institute, Operation Manager, Anirban Mukherjee-i Pradhan Mantri Kaushal Vikas Yojana (PMKVY) scheme indang metetdaktsü. Pai ashiba agi, iba training Institute ya angati lir aser cabin crew, airport ground staff, five star hotels aser cruise liners nung mapa maongka junga angutsü.
Iba sentong ya Akame Pame leniba nung agi; Wangan Phom, EAC Jalukie, Temjenkala Aier, Centre Director, Emporium aser Dithuibo Newmai, President ZSUN nungeria o tatsütsü jembia liasü.
Livian Solo-i tepela anküp o jembia iba sentong tembanga liasü.