Jalukie nung Fire awareness sentong agi

Jalukie, April 18 (TYO): April 18, 2019 nü Traffic point Jalukie Town nung Nagaland Fire & Emergency Service Peren-i “Fire Prevention is better than Fire Fighting” omen nung ajemdaker Fire awareness training ka ayongzüka agiogo, ta ketdangsertem osang ka ajanga metetdaktsü.
Iba Training ya National Fire service hopta dak sendakba nung ayongzüka agi. 1944 küm April 14 nü Bombay Dockyard nung duty inyakdang fire fighters 66-i taküm tenla agüja asüba bialemteta kümshia iba hopta ayongzüka amunger.
Iba sentong ya S.L. Kezhalelhou Sachu 2nd OC FS Peren leniba nung agia liasü.
Lokti pelaa agizükba o jembidang pai nüburtem dang mi lendon dak sendakba nung teinyaktsü aser meinyaktsütem indang demonstrations mapang sayubatem benshitsü ayongzük. Iba dak alia Care Maintenance Safety of LPG, rescue Techniques & bandages, Fire extinguisher amshiyim mamatoki benshitsü paisa metetdaktsü.
Iba training nung sorkar Departments balala nungi aser Jalukie jila nung nüburtem dena liasü. Sentong tembanga SI Kezhalelhou Sachu-i tepela anküp o jembi.