Dimapur, Feb 7 (TYO) : Nisung kari tepseter yutsü südi ta temulung melemi bilemtsüsa tatalokba ka nung February 7 anepdang arishi küm 38 tain nisung ka Govt High School ground, Jalukie nung süa liasü. Iba tasüsangji nisung ka tenüng agi Heisube liasü aser pa ya High School colony, Jalukie nung alir Benreu nunger liasü.
Pa tasümangji tanep yakta 5:00 ako nung Jalukie Govt High School ground nung goal post nung alener lia angu.
Tasüsangji tekolok shitak masü asü aser tasümang tekong aser teka nung süngzü agi alenba mong liasü. Pa ya par kidang ayaterem tashibo liasü ta kinunger osang ka ajanga metetdaktsüogo.
Iba tasümang ya Dimapur mozü kidang post-mortem agitsü asoshi yua lir.
You must be logged in to post a comment Login