Jamaica CONCACAF Gold Cup final-i iogo

Jamaica teloki goal 2-1 agi US telok madak takok ngua CONCACAF Gold Cup football asayamong final asayatsü jenjang US kübok Atlanta yimti nung anguba sülen Jamaica asayartem pelatepba noksa nung angur. (Atlanta, July 23)

Atlanta, July 23 (Agencies): Jamaica teloki goal 2-1 agi United States (US) madak semifinal asaya koka tang tasayadak CONCACAF Gold Cup final asayatsü jenjang yashi Bodbar nü nguogo.
Yashi asaya tenzüker minute 31 buba nung Darren Mattocks-i goal ka agüja par Jamaica telok temaba jenjang nung ajungkettsü.
Mezüngbuba goal agütsür minute 5 süir külen, yashi asaya tenzüker minute 36 buba nung Giles Barnes-i tanabuba goal agüja par Jamaica telok nem takok bener arutsü.
US captain, Michael Bradley-ia asaya tenzüker minute 48 buba nung par telok asoshi goal ka agütsü saka par teloki tanabuba goal memeyiptsütetba yong yashi semifinal asaya nung tamakok ajuru.
Jamaica-i Mexio den Gold Cup final tan Deobar nü asayatsü.
Mexico-ia goal 2-1 agi Panama madak tanabuba semifinal asaya nung takok ngua final asayatsü jenjang angu.