James Basnet aser par teloki Mokokchung semdang

James Basnet & Band-i MTBA Youth Department platinum jubilee benjung nung shilem agiba angur.

Dimapur, July 26 (TYO) : June 23-27, 2016 tashi James Basnet den par kibong aser par band-i Mokokchung semdang. Iba mapang parnoki Jubilee Memorial College,  Nagaland Bible College,  Nagaland Christian Revival Church (Youth Department),  Clark Theological College aser MTBA Youth Department platinum jubilee celebration semdanga liasü.
Anogo ishika Mokokchung nung amungdang International music award pezüben tashi angur James Basnet aser par teloki tekülem mapang ania liasü aser Tsüngrem o jembi aser James-i  pa taküm kuli lemsatep.
Parnok Mokokchung semdangba nung temoatsü kanga nguogo aser kanga pelashishia agizükba atema kanga pelar, ta James’er teloki metetdaktsü.
“Yangi aliba lanurtem dak Tsüngrem külemtsü tejangraba kanga  lir aser parnoki Tsüngrem dak tamang ayuba ajanga parnok temaba jenjang atongtsü imlar” ta parnokisa ashi.
Basnet aser par teloki parnoki semdangba college aser arogo ajak dang pelaba metetdaktsü aser tarutsü nunga temoatsü mapangtem ajurutsü imlar ta shisem.
Parnoki Mokokchung semdangbaji Limaonen Imchen aser pa kinungtsü Hannah Brown nati acha-ayang.
James Basnet-i 2013 küm pa indang mezüngbuba kensep “Brand New Day” saya. Iba kensep ajanga international awards 4 tashi angu.
Pai 2015 sayaba ken “Just the Way You Are” ji Grammy Awards nung nominate asü.
Basnet indang tasembuba kensep “Refresh” ji taküm July ita sayatsü.