James Bond ama shilem agitsü mulunga lir: Hugh Jackman

September 06, 2015: Actor Hugh Jackman ‘Wolverine’ film nungi anentsü akok, ajisüaka iba sülen ano tongtibang project kar nung sodaktsü asoshi bilemdar.
Australia nunger actor arishi küm 46 tain, Jackman-i, James Bond ama shilem agitsü asoshi mulunga lir, ta television interview ka nung ashi.
Australia nung sensaksem sentong, ‘The Program’ nung Jackman adenba mapang pa Bond den tesendaktep aliba lemsatepa liasü. Küm aika tejaklen Jackman dang bond film tem nung shilem agitsü asoshi asüngdanga liasü aser ibaji atema 007 producer tem den aiben sensaksemogo. Ajisüaka pa 2002 küm X-Men 2 atema maparen tenzüker aliba ajanga 007 asoshi tejangraba kanga maliasü.
“Iba mapang nung ni X-Men 2 project agizüker liasü anungji 007 atema mapang maliasü,” ta Jackman-isa ashi.
Tang pa Wolverine atema tatembang shilem kar asoshi teinyakdak lir aser ibajibosa tembanga inyaktsü tebilemba lir.
‘Spectre’ film sülenbo actor Daniel Craig-i James Bond film tem nung shilem magitsü anungji iba shilem agitsü asoshi tang actor tetemsü ka tebushidak lir.