James Corden-i Grammy Awards sentong len anitsü

Los Anegles, November 23 (Agencies) : “The Late Late Show” sentong anir British actor aser comedian James Corden-i 59 buba Annual Grammy Awards sentong len anitsü.
“The Late Late Show” ajanga yearly music awards show ya sayur aser Corden-i hip-hop artist aser “NCIS: Los Angeles” star LL Cool J dang nungi iba mapa melenzüktsü, ta variety.com ajanga metetdaktsü.
Corden indang “Carpool Karaoke” segment “The Late Late Show” nung Adele, Stevie Wonder, Lady Gaga, Elton John aser Justin Bieber nungeri shilem agiogo.
‘Carpool Karaoke’ ajanga asenoki James den gari nung mener senzüogo aser pai February 12 nung Grammy sabang nung shilem agiba reprangtsü atema The Recording Academy-i yongyar, ta Recording Academy President & CEO, Neil Portnow-i ashi.
“Sangküm The Grammys sentong len anitsübaji maongka ka lir. Kentenba nung iba ya sentong tulutiba aser akhüm taktettiba sentong lir aser iba sentong nung ni shilem agitsü maongka angubaji tia taka ama bilemer” ta Corden-ia ashi.
The Grammys sentongji sangküm February 12 nü Los Angeles nung aliba Staples Center nung alitsü.