James Sangma-i pa sasa anen: Conrad Sangma

Shillong, February 18 (Agencies): James PK Sangma-i Home department toktsütsü atema pa sasa mulungtet, ta Meghalaya Chief Minister, Conrad K Sangma-i ashi.
Cabinet Minister tanga ka nem Home portfolio agütsüba ajanga James Sangma anentsü ta ashitsü makok kechiyong, pai (James)-i pa sasa iba menden toktsütsü telemtetba agi, ta Conrad-i ashi.
“James-i anogo ka jakdang kü den ajurutep aser sorkar teloktep nung adenertem ajungtsü atema Home department toktsütsü ta shidi ka agütsü” ta Chief Minister-isa shisem. James ya Conrad tedi tambusang lir.
James-i agütsüba shidi nung ajemdaker tanga Cabinet Minister ka nem Home department lemzüktsü, ta Conrad-isa metetdaktsü.
Teloktep ka nung onüktem adoker aser iba ama tensa ajurubaji tim dang lir, ta paisa ashi.
MDA teloktep nung adenertem BJP, UDP aser PDF MLA temi taoba Home Minister James-i inyaksangshiba nung temulung masüba metetdakja liasü.