New Delhi, January 9 (Agencies) : Jammu & Kashmir Chief Minister Mufti Mohammad Sayeed asüba sülen menden tazüng asübayong Governor’s Rule alitsü tetuyuba agütsüogo.
Honibarnü Minister of State in Prime Minister’s Office (PMO) Jitendra Singh-i iba osang metetdakja liasü.
“Jammu & Kashmir nung Chief Minister tasen ka tenangzükba magi tashi Governor’s rule alitsü” ta pai osangbener dang ashi.
People’s Democratic Party (PDP)-i Hokolbarnü ashiba agi anogo pezünü shi ka sülen ang J&K nung Chief Minister tasen tenangzükba agitetettsü.
PDP-ibo asür Sayeed’er jala aser PDP tanishir Mehbooba Mufti nem Chief Minister inyakdaktsünür, ajisüaka Mehbooba-i la mezüngbuba tetsür chief minister inyaktsü nungnanger.
PDP lennirtemi J&K Angh NN Vohra den ajurutepogo aser parnok Mehbooba ketdangsüba sülen anidaktsü mulunga lir ta metetdaktsüogo.
You must be logged in to post a comment Login