Srinagar, April 07 (Agencies): Brihostibarnü south Kashmir, Shopian district nung security sepai aser telungpur na tsüngda kahtepdang taoba mapang police ka densema Hizbul Mujahideen telungpur ana kahsetogo.
Srinagar nungi kilometer 55 pilar Vehil yimtsüng nung 62 Rashtriya Rifles-i telungpur mita aodang telungpur ana kahset aser tena ket nungi prangpong ana angu, ta Army ketdangser kati ashi.
Asür anaji Hizbul Mujahideen telok nungi Naseer Ahmad Pandit aser Inamul Haq (Waseem Malla) na liasü ta jangjaogo.
Yaküm Pandit-i police toktsür iba telok nung aden. Taoba mapang pa PDP MLA, Altaf Bukhari atema tanüker inyaka liasü.
Jammu & Kashmir nung Mujahideen telungpur ana kahset added by asungba on
View all posts by asungba →
You must be logged in to post a comment Login