Jammu & Kashmir nung President’s rule alitsü

New Delhi, (Luchii) December 19 (Agencies): Jammu & Kashmir nung 1996 sülen tang mezüng atema President’s rule alitsü ozüng agütsüogo.
Taonung ayaterm nungi J&K nung ‘central rule’ alitsü atema India President Ram Nath Kovind-i tetuyuba ka nung sign asüba sülen iba osang metetdaktsü.
Jammu & Kashmir nung December 19 nü Governor’s rule tembang.
Jammu & Kashmir Governor Satya Pal Malik-i state nung President’s rule ali junger ta shidi ka züluba sülen Prime Minister Narendra Modi-i aniba union cabinet-i iba telemtetba agi.
President’s rule tenzükba sülen J&K state Legislature indang tashi ajak Parliament ajanga dang ketdangsütsü.
Taküm June ita BJP-i PDP den teloktep sorkar nung madentsü lemtetba ajanga Governor’s rule alitsü tensa ka ajuru.
PDP aser Sajad Lone-i aniba People’s Conference dena regional party temi sorkar akümtsü asüngdangba sülen taoba ita Governor, Satya Pal Malik-i Legislative Assembly anentsü.