Jammu & Kashmir, Uri nung sepaitemi telungpur 8 kahset

Ballia, September 20, 2016: Tawa kiralongrartemi Uri sector, Jammu & Kashmir nung army camp amakdang tepsetba sepai, Rajesh Kumar Yadav tasümang sepaitemi Ballia district kübok aliba par yimtaki bener aruba noksa nung angur.

Uri, September 20 (Agencies): Kiralongrartemi Uri jila nung sepai 18 tepsetba sülen anogo ana lir tanü Mongolbarnü Jammu & Kashmir, Line of Control (LoC) nung Pakistan nungeri injang yoka atadang telungpurtemi India telungi aittsü merangdang telungpur ti kahsetogo.
Osang ka ajanga ashiba agi, Mongolbarnü Indian post tem nung Pakistan sepaitemi injang sashia yokba ajanga telungpur arrtsü adensa aittsü südi ta sepaitemi bilem.
“Pakistan tsütsülen nungi injang yokbaji telungpurtem telungi aitdaktsütsü atema liasü ta jangja. India sepaitemia injang akah aser arrtsülen mita liasü. Iba mapang nungjisa telungpur telok ka angu,” ta kasa osang ajanga ashi.
Arrtsü adena aittsü merangertemji tajemba agi parnok 15 liasü aser parnok rongnung nisung ti kahset.
Kasa osang ajanga ashiba agi, Pakistan sepaitemi automatic prangpong amshia Lachhipora aser Boniyar  yimtsüngtem nung aliba Indian post tem nung injang yok.
Tang Pakistan-i injang yokba ya ajanga India aser Pakistan tsüngda 2003 küm agiba ceasefire tezüngzüktep raksar.
Indian Army-i ashiba agi, Pakistan nungi telungpurtem India telungi aittsü merangba ya tesüiba küm asem-pezü den medemdangra taküm tamajungba lir.
2016 küm telungpurtemi arrtsü adena 18 ben aittsü merangba Indian army temi nokdangtetogo.