Jammu yimti nung tesüiba küm 71 tsüngda tang temekongtiba

Srinagar,  Jan. 25 (Agencies): Deobarnü Jammu yimti nung freezing point ser temalen minimum temperature ji degree tesadang Celsius ka dang liasü, aser ibaji ajanga 1945 küm temokongtiba anogo dang nungi tang temokongtiba liasü, ta Hombarnü  weatherman ajanga ashi.

Tesüiba hopta ka tashi Jammu nung maneni temokong agi atentener, aser Hombarnüa mepet tzüsü temelem den mopung temokong ajanga nüburtem kanga timtemogo.

Weather office ajanga, Jammu nung kanga temekong anogotemji January 27, 2016 tashi asütsü, ta metetdakja lir.

“Jammu nung tan ita 27 nü tashi mepet tzüsü den mopung temokong alitsü,” ta J&K meteorological department director, Sonam Lotus-i ashi.

Mepet tzüsü temelem aliba ajanga Jammu nungi senzüba train thinener, iba den külemi tenük agi junga manguba ajanga tayimtsü senzüba-a anena lir. Gari anirtemia headlights aser remshiba light amshitsüsa akumer.

Hombarnü Jammu nung minimum temperature ji 3.2 degrees Celsius liasü. Katra nung 4.9, Batote nung 1.9, Banihal nung freezing point ji 0.1, Udhampur town nung 0.8 aser Bhaderwah nung 0.9 liasü.

Srinagar nung aonung temperature ji freezing point kübok minus 3.3 degrees Celsius liasü, Pahalgam nung minus 5.9 aser Gulmarg nung minus 4.5 liasü.

Ladakh region kübok Leh nung minimum temperature ji minus 14.7 degrees Celsius aser Kargil jila nung minus 15.6 liasü.

You must be logged in to post a comment Login