Dimapur, January 19 (TYO): Council of Nagalim Churches (CNC)-i linük tenzükertem ajak dang January 20, 2016 nü National Fasting & Prayer Day amungtsü atema sangdongogo.
Iba anogo nung linük tenzükertem kong lidir liaka anepdang nungi nikongdang 3:30 ako tashi tang yimjung ken o tejembidak atema lumia sarasademtsü mepishir, ta CNC General Secretary, Seksim Kasar-i sangdong ka nung metetdaktsü.
“Iba sentong atema Dimapur district aser temeket nung alirtem Hebron-i arutsü mepishir. India den yimtenren ken o ya kanga süoki ia agitsüsa kümogo, kechiyong tang ya kanga tongtibang mapang ka nung lir,” ta kasa sangdong nung ashi.
CNC-isa yimten telatetba ka asoshi yongyaa atar senso ajak dang iba anogo nung lumia sarasademtsü mepishia metetdaktsü.
“Tang India aser Naga nungeri nüngdakba tongtibangtibaji Tsüremer teyari lir,” ta CNC sangdong nungsa shia lir.
“Linük tenzükertem ajaki lennirtem akhümtsübua aser parnoki tuyuba sülen anidaka iba anogo nung pei nija aser official mapa (kanga tongtibang süaka) toktsür lumiba sentong nung shilem agitsü imalr. Ibaji ajanga Tsüngremi asenok dang taochi sayutsü.” ta General Secretary, CNC, Seksim Kasar-isa ashi.
You must be logged in to post a comment Login