Jan. 25 nü National Voters Day tenangzükba agitsü

Kohima, January 23 (TYO): Electoral roll nung arishi küm 18 ser temepapur, voters tasenpur register asütsü aser election inyakyim ajungkettsütsü atema Nagaland State-i January 25 nü National Voters’ Day amungtsü, ta tanü ketdangsertem osang ka ajanga metetdaktsü.
Election Commission of India-i state nung department balala nungi ketdangsertem aser staff tem dang January 25 nü National Voters Day anogomung nung anüngdang 11:00 ako nung peipei office nung sentong tatsüka ayongzüka National Voters Day tenangzükba agitsü tetuyuba agutsüogo, ta kasa osang nung shia alir.
Iba dak sendakba nung Nagaland Chief Secretary-i, iba anogomung amungba osang den noksatem Election Commission ket nung agütsütsü atema Chief Electoral Officer, Nagaland office nung agujang, ta metetdaktsüogo.