Janata Bhawan nung bio-metric attendance agitsü

Guwahati, August 13 (Agencies): Assam sorkari Janata Bhawan nung inyakertem indang attendance atema bio-metric system tenzüktsü telemtetba agiogo.
Iba bio-metric system ya central secretariat nung takok ngua tenzükogo aser Aadhaar adentsü, ta ketdangsertemi ashi.
“Ketdangsertem nungi tenzüker Grade IV employees tashi attendance agitsü” ta parnokisa shisem.
AEBAS (Aadhaar Enabled Biometric Attendance System) ya finger print recognition device asütsü aser mapa inyaker shiai pa mesüra la indang Aadhaar number nung tesübuba digit 8 enoktsü.
Tanga department tem aser secretary jenjang nung aliba ketdangser ajak nung devices enokba mapa renemogo aser WiFi connectivity enokogo.
Iba system amenokba sülen department shia nung ketdangsertemi mapa inyakertem indang attendance mita reprangtsü akok.