Janata Parivar longjemtsü atema asentenshir inyaker

Patna (Bihar), April 09 (Agencies): Janata Parivar nung aliba party tem longjemtsü atema asentenshir maparen tenzükdar, ta osang ka ajanga ashi.
The Hindu osang ajanga ashiba agi, Janata Parivar longjemtsü atema mezüngbuba meraji- Janata Dal (United) nung Tir ji Bihar Chief Minister, Nitish Kumar shimtsü. April 10 nü JD(U) national executive senden nung pa Tir shimtsü akok.
Iba sülen Nitish-i JD(U)-i Ajit Singh’er party Rashtriya Lok Dal (RLD), Samajwadi Janata Party, Jharkhand Vikas Morcha (JVM) nunger den lokteptsü atema inyaktsü.
Party tem jagi 2017 Uttar Pradesh Assembly Elections matongdangsa Janata Parivar longjemner.
JD(U) senior office ketdangpur kati osangbenertem dang, “Hopta ishika tejaklen item party temi Election Commission ajuruogo,” ta metetdaktsü.
JD(U)-i Janata Parivar indang election temaitsüji Samajwadi Janata Party indang temaitsü- ‘Banyan Süngdong’ aginer.
“Iba temaitsü ya Ram Manohar Lohia-i aniba Socialist Party indang liasü, aser iba ya onoki angutsü imlar,” ta JD(U) lenirisa ashi.