Jane Fonda-i kiyimba süoshi aser aniasüngba kuri ayoktsü

Los Angeles, July 21 (Agencies): Actress, Jane Fonda la kiyiimba süoshi den Ted Turner-i la nem agütsüba aniasüngba kuri (engagement ring) Los Angeles nung auction ka nung yokdoktsü.
‘Property from the Collection of Jane Fonda’ ta ajaba auction sentongji September 23 nü akatsü, ta People magazine osang ajanga metetdaktsü.
Julien’s Auctions house-i taoba mapangtem nung Michael Jackson aser Marilyn Monroe nunger indang osettsüsettema yoka liasü.
“Jane Fonda indang collection ji Fonda taküm otsü indang lir, koba ajanga la nüngtugusüa  aliba aser nija taküm otsü ashir,” ta sangdong ka ajanga ashi.
Kiyimba süoshi aser opal ring ji 1991 küm indang lir. Iba küm Fonda aser Ted Turner na Florida nung kibong akum.
Aniasüngba kuriji diamond temesüng ana tsüngsa 18-karat hon lir.
Julien’s Auctions-i ashiba agi, kiyimba süoshi aser kuri naji US sen 2,000 nungi 4,000 tsüngda yokzüktsüa akok.