Janet Jackson aser The Smiths nunger tenüng Hall Of Fame atema benokogo

October 08, 2015: 2016 Rock & Roll Hall Of Fame atema Janet Jackson, The Smiths aser Chic nunger tenünga benokogo.

‘Together Again’ ken atenla, Janet Jackson-a tan mezüngsüa kija kentener Chaka Khan, Cheap Trick, The J.B.’s, Chicago, The Cars, Los Lobos aser Steve Miller nunger den külemi iba akümket sentong atema tenüng benokogo.

The Smiths, Nine Inch Nails aser Yes nungerbo tesüiba mapanga kasa sentong asoshi tenüng benokogo aser Chic tenüngbo tan agi joko terben buba benokerba lir.

Rap kentener N.W.A teloka iba sentong asoshi tan agi pezüben buba tenüng benokogo aser Deep Purple o The Spinners telok naprong tan agi tasemben buba benokogo.

Tan tenüng benoka alirtem nungi teshimtetertem December ita nung metetdaktsü aser saküm Cleveland, Ohio nung April ita Hall of Fame sentong nung shilem agia metetpelatsü.

Taküm iba sentong nung Green Day, Lou Reed aser Joan Jett & The Blackhearts nunger shimteta liasü.