Janet Jackson-i arishi küm 50 nung jabaso ka aso

January 04 (Agencies): Janet Jackson arishi küm 50 nung mezüngbuba tanur ka sogo, aser iba jabaso tenüng Eissa jatsü.
Nüngtugu kentener, Janet timtem meli iba tanur aso, tanur aser tetsü naprong junga lir, ta par kibong asoshi otongtari metetdaktsü.
“Janet Jackson aser kinungbo Wissam Al Mana, tena jabaso Eissa Al Mana iba lima-i aruba ajanga kanga pelateper,” ta paisa ashi.
Janet Jackson ya ‘King of Pop’, asür Michael Jackson teno lir aser la kinungbo Al Mana ya Qatar nung shishilembar mongin ka lir. Tena 2012 nung kibong aküm.
1980s nung ‘Control’ kensep ajanga nüngtugu akümla Janet Jackson-i kibong tenzüknüba tebilemba ajanga alima ajunga nung ken tena senzütsü aliba sentong thinena liasü.