Janet Jackson US albums chart temaba nung lir

AmfAR 20th Annual Cinema Against AIDSOctober 12, 2015: Kentener Janet Jackson indang kensep tasenba America’s Billboard 200 temaba jenjangi atuba ajanga otsü tasen ka yangluogo.

R&B icon Janet “Unbreakable”, iba sülen 2008 küm “Discipline” tashi densema Jackson-i US number one tenetbenbuba ajangzüktetogo.

Barbra Streisand aser Madonna nati ang female artist chart temaba timba ngua lir. Barbra-i 10 ben aser Madonna-i 8 ben ajangzüka lir.

Billboard otsü nung tesüiba küm 40 nung küm 10 shia number one ajangzüker artist mezüngbubaji Streisand aser tanabubaji Bruce Springsteen lir aser tasembubaji arishi küm 49 Jackson lir.

Janet-i iba takok atema la sapurtem dang tepela lemsatepa twitter ajanga lai, “Nenok temeim medeni ni kodanga tejakleni motettsü. Nenokiji koda tongtibang’ar ni lemsatepner. Atangjiji, nenok temeim medeni ni iba jenjang metongtettsü. Kanga pelar,” ta lemsatep.

You must be logged in to post a comment Login