Jangpetkong Kaketshir Mungdang (JKM)-i aitsür

Dimapur, November 22 (TYO) : November 7, 2016 nü Tuli jila nung Assam nunger Jibon Gogoi-i G.M.S. Tuli “C” nung azünger ozü züngsem ka kanga mejungi yirutsüba kukua aitsür, ta Jangpetkong Kaketshir Mungdang (JKM) sangdong ka nung metetdaktsü.
Sivsagar nung asür Bren Gogoi’er jabaso Jibon Gogoi-i tanutsüla den teyi na tashiyim agi raksar tepsettsü tasa nung aru. Jibon Gogoi-i teyi dak tashiyim agi mapa inyaktsü merangdang tanutsülai teyi kümzüktsü atema Jibon den raradang, pai la kanga mejungi yirutsü, ta JKM sangdong nungsa shia lir.
Ozüng amertemi aibelensang ozüng tesashi kübok merenshitsü aser bail nung mechioktsü mepishir, ta JKM-isa metetdaktsü.