Janjati Shiksha Samiti-i TR Zeliang tetsü asüba mangyimer

Dimapur, Luchii/December 21 (TYO): Janjati Shiksha Samiti Nagaland-i taoba mapang Chief Minister aser tang Opposition Lenir, T.R Zeliang tetsü asüba atema mangyimer, ta Janjati Shiksha Samiti Nagaland Organizing Secretary, Pankaj Sinha-i sangdong ka ajanga metetdaktsü.
“Asen nükdang pei tetsü ka asübaji chirnurtem atema tejashitsü tulu. Taoba mapang Chief Minister aser tang opposition lenir, T. R. Zeliang tetsü asüba ya pa atema takoksa tulu. Janjati Shiksha Samiti Nagaland-i mangyimer kibong züngsemtem den mangyim jashi lemsateper. Tsüngremi asür nem tesünep agüjang aser chirnurtem nem tashi agüjang ta sarasademtsür,” ta kasa sangdong ajanga lemsatep.