January 20 nü tashi nung CBI tongti tenüng sangdongtsü: Centre

New Delhi, January 18 (Agencies): Central Bureau of Investigation (CBI) nung tongti shimba dak sentakba onük ajak tekaraba nung sangdongtsü, ta Mongolbarnü sorkari Supreme Court nem metetdaktsü.
CBI Director tasen shimtsü atema yashi committee senden mena liasü, ta Centre tenüng nung jembir, Attorney General Mukul Rohatgi-i Justices Kurian Joseph aser A M Khanwilkar-i akumba bench dang ashi.
CBI tongti shimtsü atema tentetba committee nung Ato kilonser, Narendra Modi, Chief Justice of India aser Opposition Lenir nunger lir.
Iba senden amenba indang Rohatgi-i SC nem metetdaktsüba sülen January 20 nü iba dak sentakba PIL angadangtsü lemteta ayu.
Yaküm December 16 nü Supreme Court-i Centre sorkar dang, kechiba tang tashi iba committee senden ayonga mamener, ta asüngdanga liasü. Iba mapang nungji Attorney General Rohatgi-i, tekaraba nung iba sendenji amentsü ta langzüa liasü.