January ita atema Kohima District DPDB senden amen

Kohima, January 15 (TYO): 2020 küm atema tang mezüngbuba Kohima District Planning & Development Board (DPDB) senden January 15 nü DPDB indang Conference Hall, Kohima nung menogo; ADC Kohima, Lithrongla Tongpi Rutsa leniba nung iba senden amen, ta ketdangsertem osang ka ajanga metetdaktsü.
ADC-i küm tasen salem lemsatepba sülen Board nung züngsem tasenpur tejak shiotep aser taoba DPDB senden nung lemtetba onüktem reprangshi.
Senden nung Screening Committee-i society tasenpur registration atema benokba sülen item societies nungi züngsemtemi parnok nükjidong lemsatepa liasü. Iba sülen item societies registration atema sorkar matsüngdang benoktsü lemtet.
Government High School, Kigwema agi Higher Secondary School (Science Stream) upgrade asütsü onük nung o lemtepba sülen Board-i ibaji District Education Officer nem tanaben agüja School aser Managing Board dang format shidak nung DPDB nem agütsütsü metetdaktsü.
Government High School Sendenyu, Tseminyu nung biometric attendance oset inoktsü onük nung o lemtepba sülen Board-i ibaji Sub-Divisional Planning & Development Board, Tseminyu matsüngdang benoktsü tuyua liasü.
ADC aser Village Adoption Committee (VAC) nunga Core Committee Convenor, Lithrongla-i züngsemtem dang March 31, 2020 tashi nung VAC activities renemtsü aser April 10 tashi nungbo report agüjang ta metetdaktsü.
Senden nung Deputy CMO Kohima, Dr. Hoito Sema-i Ayushman Bharat- Pradhan Mantri Jan Arogya Yojana (AB-PMJAY) indang metetdakja liasü.
Pai PMJAY indang tajangzük balala metetdaktsüba den külemi December 9, 2019 tashi nung Nagaland jenjang metetdakja züngsemtem dang peipei tesem nung iba scheme indang awareness agütsütsü mepishia metetdaktsü.