Japan, China & S Korea foreign minister-temi taruba hopta senden amentsü

Tokyo, August 17 (Agencies): Japan, China aser South Korea nungi foreign minister-temi taruba hopta senden ka amentsü sentong renemogo.
China-i South China Sea (SCS) aser East China Sea (ECS) na nung par mitkar mapatong kanga sashia inyakba ajanga China aser Japan na tsüngda mangatettep ken o adoka liaka, par foreign minister-temi tan senden amentsü sentong renemer lir.
Par lenirtemi tan August ita tatemlen senden amentsü osang ka Japan foreign ministry-ia taoba July ita sangokja liasü.
Linük asem nungi foreign minister-temi Japan yimtiba, Tokyo nung tan August ita 23-24 nü tashi sendenji amentsü sentong renema lir.
Iba senden nung foreign  minister-temi North Korea-i tenzüka aliba tongpang nung amshitsü nuclear aser missile mapatong densema, par linük tentetba region-i ajurushia aliba khuret balala den sentakba onük tongtipangsüa benoka jembitsü sentong lir.
China’er coastguard aser sorkari ketdang asüba rongtem mangatettep adoka aliba ESC tzüyim nung densemba asetkong kar anasa ajangdanga tan August ita tetenzüklen aoba sülen China aser Japan na tsüngda mangatettepbaren taoba mapang nungi tang tesashiba akümba osanga bushitetogo.