Tokyo, March 4 (Agencies): Küm pezü sülen Japan nung aliba kaketreju takdangtem nung digital textbook amshi tenzüktsü, ta osangbenertemi Hokolbarnü metetdaktsüogo.
Education ministry nungi tentet kati 2020 küm nungi tablet computer kar aser digital oset kar kaketreju takdangtem nung amshidaktsütsü telemtetba agiogo, ta NHK osang ajanga metetdaktsü.
Iba tentet jagi ashiba agi, digital textbook tem nungji video aser ola dena enoktsütsü aser ibaji ajanga kaketshirtemi bendanger oshi ajanga tesayubatem kara angazüktsü. Tenük majungertemi digital textbook nung aliba olung aser noksatem tulu küma atsür arua reprangtetba ajanga parnok ajangzüktsü, ta parnoki shisem.
Kaketshir shia nem tablet computer kaka agütsütsü iba inyakyim nung benoka lir.
Kaketshirtem zülu ajungtsü atema akhi kaketsa tajungba ta parnok rongnung karibo shidangogo.
Iba telemtetba ya taruba ita nunga shitak agitsü.
You must be logged in to post a comment Login