Japan-i Kerala IT company tem nungittsü

Thiruvananthapuram, January 30 (Agencies): Minami Uonuma (MU), Japan-i Kerala nung aliba information technology (IT) company tilatem nem Japan nung office lapoktsü tesem agüja nungita yaritsü aser business terenlok angutsü asoshi subsidy bushitsütsü tejangraba lir.
Iba osang ya Kerala IT industry tem nungi züngsemtem aser MU nungi arua senden nung adenertemi metetdakja liasü.
Japan nungi iba senden nung arua adenertemji Kerala nung aliba Group of Technology Companies (GTech), IT aser ITeS company temi anepalua liasü.
“Kerala nung aliba IT company tem nungia telok kati ita asem tsüngda nung Japan semdangtsü aser iba mapang tesendaktep tali akhangshitsü.
GTech-i küm asem tsüngda nung ibala mesükba senden nung adentsü asoshi Australia, New Zealand, Britain, Germany aser UAE linüktemi telok 9 yokogo,” ta GTech nung chief executive officer Renjith Ramanujam-i metetdaktsü.