Japan-i ‘lift’ aketba bus gari sayatsü

Tokyo, August 21 (Agencies): Japan transport ministry-i, tarüba küm tetenzüklenbo lift keta aliba bus gari kar tendangtsü asoshi sentong lir, ta Hokolbar nü media ajanga metedaktsüogo.
Iba lemteta aliba sentong ya 2020 küm Tokyo Olympic & Paralympic Games mapang oli aruli jajartem tetsükdangtsü makai jajadaktsütsü tebilemba nung sorkari acha ayangerba lir, ta NHK news agency ajanga metetdaktsü.
Transport ministry nung ketdangsertemi ashiba agi, iba sentong ya mezüng Tokyo yimti tiyong nungi tayimtsü anenba tesem tulutiba ana, Haneda aser Narita tsüngda tem nung 2016 January ita nung lapoktsü.
Tang tangbo linük nung aliba bus gari aser tayimtsü tem kata nunga lift keta aliba mali.
2020 tashi nungbo tetsüngda talang nung jajaba bus gari aser tayimtsü tem noklang nung shilem 25 nung lift keta yanglutsü transport ministry nükjidong lir.
Iba den külemi ministry-isa tarüba ita nungi Haneda tayimtsü anenba tesem nung jatettsüsa taxi mekatsü sadema lapoktsütsü sentong lir.