Japan-i Russia nunger ketdangsürtem indang rongsen sota ayu

Tokyo, Metsüremi/March 8 (Agencies): Japan-i Russia aser Belarus nunger ketdangsürtem aser oligarch nisung aika indang rongsen sota yuogo. Moscow-i Ukraine amakba atema Tokyo-i iba temesenshi agütsüogo.

Tenokdangba ya Russia nunger 20 nem agütsüogo kong tir Vladimir Putin indang administration atema deputy chiefs of staff, Chechen Republic tekolakba aser Volga Group, Transneft aser Wagner amala Kremlin den sendaktepa aliba company tem indang executive tem densema lir, ta Japan indang finance ministry-i Mongolbarnü metetdaktsüogo.

List nung züngoksema aliba item nisungtem aser teloktem den sorkar nungi temelaba magi tang nungboi senotsü tsütatep mesütettsü, ta ministry-isa metetdaktsü.

Japan-isa, Russia-i oil refinery equipment tem yoka aliba nokdangtsü aser Belarus dangi military-i amshitettsü akokba osettsütem yoka aliba sottsü, ta ministry-i ashi.

Maneni Japan-i, Belarusian defence ministry, armed forces, aser police organization aser Minsk nung amendaker aliba company, JSC Integral dangi osettsüt yokba aliba anentsü.

Anogo ishika tejakdang Japan-i, Russia indang central bank aser SWIFT international payments system mamshidaktsütsü atema tenokdangba agütsüba amala Russia dak rangloker tenokdangba aika agütsütsü sangdongba sülen tang ano iba jenjang ya agiogo.

Japan nunger gari yangluba company Toyota-ia parnoki indang garitem Russia-i meyoktsü telemtetba agiogo. Kasa mapang nung Japanese airlines-i Europe-i parnok indang tayimtsütem meyoker.

Iba tesem nung aliba tanga linük den medemdangra Japan-i Russia anema jenjang tesashiba agiogo. Kasa mapang nung iba tesem nung aliba sorkar timbai Russia anema mejembi mesüra tenokdangba magütsü. Japan dak alia South Korea, Singapore aser Taiwan-i dang Moscow anema jenjang agiogo.