Japan nung 6.1 magnitude menoknok anok

Tokyo, November 24 (Agencies) : Brihostibar anepdang 6:30 ako meta Namie anüolen nungi kilometre 37 pilar aliba Fukushima, Japan nung 6.1 magnitude nung menoknok ka anok, ta Japan meteorological agency osang ajanga Tokyo nung metetdaktsü. Ajisüaka iba menoknok ajanga tsunami adoktsü osangbo kecha mali.
Iba menoknok tiyongji Fukushima prefecture tzüküm len aliba tzütem nung liasü.
Iba lendong ajanga yiruba mesüra raksarakpongba osangbo tang tashi nung kecha mali.
Iba menoknok anokba sülen gondha ka ser tesadang tsüngda nung ano magnitude 4.6 aser 3.2 nung menoknok tilala pungben tashi anoka liasü.
Fukushima nuclear power plant nunga timtem adoktsüsa raksaba kecha mali.
Mongulbarnüa iba kasa tesem nungsa 7.4 magnitude nung menoknok tesashi ka anoka liasü.