Japan nung opposition telok tasen tenteter

Tokyo, March 27 (Agencies):  Taküm, 2016 küm meyi mapang agitsü ayongba election sentong nung Japan Ato Kilonser, Shinzo Abe-i aniba yimtenren telok den tokteptsü nükjidong nung Japan nung tentetba opposition telok anati aroki loktepa opposition telok tasen ka tentetshiogo.
Tongti opposition telok, Democratic Party of Japan (DPJ) aser Japan Innovation Party (JIP) telok nati aroki lokteper ‘Minshinto’ Party yimtenren telok tentetogo.
Tan loktepba sülen opposition telok tasenba nung Japan parliament upper aser lower  house yimsüsür 156 shi densema lir.
Telok anati telok ka küma loktep aka, Minshinto teloki Abe-i aniba Liberal Demoractic Party (LDP) telok tashi memenepi lir.
LDP yimsüsürtem upper house nung shilem tuluba aser lower house nung shilem asemsü nung shilem 2 tashi lir.
Ano, tan tentetba Minshinto telok dang English oshi nung Democratic Party ajatsü lemtetba osanga jangjaogo.