Japan nung typhoon Chanthu arutsü sangdong

Tokyo, August 16 (Agencies) : Yipru (typhoon) kanga tesashi ka arua Japan nung kongshitsü akok, ta Japan ketdangsertemi metetdaktsüogo.
‘Typhoon Chanthu’ tan mongpu nung tenetben buba arutsü asür aser iba yipru tesashi yagi anüdoklen aser anüdoklentip tsütsü anüdoklen tesemtem nung tzünglu kanga sashia aludaktsütsü. Iba yipru ya tang Hachijo asetkong nungi kilometre 200 pilar anülolentip tsütsü anodoklen tesem nung lir, ta Xinhua news agency osang ajanga metetdaktsü.
Iba asetkong nung tang mopung 180 km/hour ondar.
Iba yipru ya Brihostibarnü Okhotsk tzüyim leni aodang anentsü saka cyclone ama akümtsü, ta ketdangsertemi ashi.