Japan nunger ‘Golden Bolt’-i World Record yanglur

Japan nunger ‘Golden Bolt’-i World Record yanglur

Kyoto, Sept. 23 (Agencies): Japan nunger arishi küm 105 tain tambur kati Guinness World Record tasen ka tanü Bodbar nü yangluogo.
Alima ajunga nung tekaraba asemsang, Jamaica nunger Usain Bolt nüngtem nung ‘Golden Bolt’ ta ajasang, Hidekichi Miyazaki-i 100m alizüng 42.22 seconds nung tonga arishi küm 105 ser tema asemteper rongnung 100m alizüng tekaraba mapang nung atonger küma world record otsü tasen ka tanü Japan kübok Kyoto yimti nung yanglu.
“Ni tang ang toktepa asemtsü tenzüker asüba yong ni tanü alizüng second 35 tashi nung metongtet. Ajisüaka, ni maneni terenemshiba agia tarutsü mapang nung tan den tekaraba asemtsü merangtsü,” ta Miyazaki-i tesülen osangbener den ajurutepdang metetdaktsü.
“Kü temang tia tanga kanga junga lir aser ni tanü tashi tashidak kecha agia shirangdanga mali. Aji oda, ni maneni küm 3 dak tema toktepa asemtettsü imlar,” ta pai ashi.
Miyazaki-i tanü otsü tasenji yangluba sülen Guinness ketdangsertemi pa nem world record kulikaket amoktsüba osanga jangjaogo.

You must be logged in to post a comment Login