Japan nunger Ippei -i tzüawaba nung world record yanglu

Tokyo, January 29 (Agencies): Deobarnü Tokyo nung Kosuke Kitajima Cup nung tebur 200 metres breaststroke tzüawa tetoktepba nung Japan nunger arishi küm 19 tain, Ippei Watanabe-i mapang 2:06.67 nung alizüng tongteta world record tasen ka yangluogo. Pa alima tzüwartem rongnung minute 2 aser second 7 tsüngda alizüng tongtetba rongnung mezüngbuba lir. Akihiro Yamaguchi yanglua aliba record dang nungi pai 0.34 second agi tekeraba tongtet.
“Ni tang tashi süngmanger, aser kanga pelar. Ni record asoshi merangdang saka ni yanglutetsü ta meimla,” ta pai tzüwa temer külen osangbenertem dang ashi.
“Iba ya jenjang tasen ka. Ni world title angutsü asoshi merangtsü, aser maneni world record yanglushitsü asoshi merangtsü, taküm July ita Budapest nung world championship nung shilem agitsü asoshi yongya atar, ta pai shisem.