Japan Open: Kashyap-i Main Draw nung shilem agitsü

Tokyo, September 20 (Agencies): Commonwealth Games champion, India nunger Parupalli Kashyap-i par qualifier round asaya 2 nung takok ngua shilem agiba sülen tang tasayadak Japan Super Series asayamong tebur singles main draw nung shilem agitsü temeten tanü, Mongolbar nü ajangzükogo.
Tetenzükba asaya nung Kashyap-i points 11-3 agi temaba jenjang ngua asayadang, Austria nunger David Obernosterer-i asaya tembanga masayatettsüsa akümba yong Kashyap-i iba asayaji kokadok.
Kashyap-i tanabuba round asaya nung points 21-18 21-12 ngua, Denmark nunger Anders Antonsen tsükdaktsüba sülen külem sensopur, K Srikanth den main draw nung ajuruteptsü jenjang ngua liasü.
Ajisüaka, tetsür singles shilem nung Japan tsür, Chisato Hoshi-i points 21-19 18-21 9-21 agi India tsür, Tanvi Lad tsükdaktsüba osang jangjaogo.
Srikanth, H S Prannoy, Ajay Jayaram aser B Sai Praneeth nunger densemba tanüngba India asayartemi asüng, Bodbar nü nungi tenzüka Tokyo kübok Tokyo Metropolitan Gymnasium nung toktepa shilem agitsü renema lir.