Japan Open: Kashyap-i tamakok ajurur

Tokyo, September 11 (Agencies): India nunger badminton asayar, Parupalli Kashyap-i tanü, Hokolbar nü tamakok ajurua tang tasayadak Japan Open asayamong nung joko shilem magitettsüsa jenjang tamajung ajuruogo.
Tan asayamong nung 6 buba jenjang abensang, Chinese Taipei nunger Chou Tien Chen-i tanü minute 42 nung points 21-14, 21-18 ngua tebur World No. 8, Kashyap quarterfinal nung tsükdaktsü.
Saina Nehwal, Kidambi Srikanth aser H.S. Prannoy nunger densema tanüngba India asayartema yashi Brehostibar nü 2 buba round asaya nung tamakok ngua liasü.
Chen-i Denmark nunger Viktor Axelsen aser Korea nunger Lee Dong Keun na rong nung ka den semifinal asayatsü.