Japan park ka nung nisung ka pokset

Tokyo, October 23 (Agencies) : Deobarnü Japan kübok Tochigi district nung aliba nüngutgu park ka nung tapoktsü ana apokba mapang tajemba agi nisung ka asü aser nisung asem yiru, ta police-i ashi.
Utsunomiya yimti nung aliba Castle raksa ka nung benjong ka amungtsü atema nisung aika adenshia aliba mapang item tapoktsütem apok, ta police-i ashiba Xinhua news agency osang ajanga metetdaktsü.
Iba lendong nung yirurtem ajak iba tesem nung aliba mozü ki kati anir oa yaridar, ta ketdangser kati ashi.
Osang ajanga ashiba agi, tapoktsü apokba mapang park anasa anena aliba garitem nunga mi jangruloka arong. Tang tashi nung tanabuba tapoktsü apokdang asüba mesüra yiruba osangbo kecha mali.