Mangkolemba, November 05 (TYO): Japukong Range teloki final asaya koka, Mangkolemba nung ayonga asayaba Mangkolemba Sub-Division Inter-Range Volleyball Tournament takok marok tan Hokolbar nü agizükogo.
Japukong telok sülen anidaka, Loyung Range teloki tanabuba jenjang ajangzükba osang jangjaogo.
Mangkolemba sub-divison kümer küm 25 abensaba jubilee-mong den sentaktepa, Mangkolemba Ao Lanur Telongjem (MALT)-i ayonga agiba asayamong shibangba sentong nung Executive Engineer, PWD National Highway Division 11 Mokokchung, Chubatoshi tongti tesemdanger liasü.
Ano külen, silver jubilee benjungmong nüngtem nung Raffle Draw sentonga ayonga agiba osang angazükogo.
Japukong-i Mangkolemba Volleyball takok marok agizük added by asungba on
View all posts by asungba →
You must be logged in to post a comment Login