Jason Day-i Barclays takok marok agizükogo

Edison, August 31 (Agencies): PGA Championship takok angur, Australia nunger Jason Day-i FedExCup Series asayamong tetenzükba takok marok, The Barclays yashi Deobar nü stroke 6 agi agizükogo.
World No. 3 Day-i bogey madenba final asaya nung birdies 8 tashi yanglua points 19-under-par 261 agi temaba jenjang ngua takok marokji agizük.
Sweden nunger Henrik Stenson-ia point 12-under 66 ngua tanabuba aser taoba mapang Masters takok marok 2 ben tashi agizüker, Bubba Watson-i points 13-under 69 ngua tasembuba jenjang angu.
Arishi küm 27 tain Day-i taküm 2016 küm tenzüker tanü tashi nung PGA Tour takok marok 4 tashi ngua lir.