Javed Ali-i TV atema ken aten

November 19, 2015: Bollywood nung kentener Javed Ali, shiba “Jashn-e-Bahaara” aser “Deewana kar raha hai” kentem ajanga nüngtugu aküm, pai TV sentong “Sankat Mochan Mahabali Hanuman” nung ‘Lord Rama’ aser ‘Lord Hanuman’ na tesendaktep sayuba ken atentsü renema jembiogo.

Ramayana otsü atema-a Ali-i ken balaka menüngokogo aser iba sentong ya Sony Entertainment Television nung yokdar.

Pa atenba ken ajanga Lord Rama aser Lord Hanuman na mezüng ajurutepba mapang jangjatsütsü.

Contiloe CEO aser iba sentong producer, Abhimanyu Singh-i, iba ken ya tangari Ali dang nungi tajungba metentettsü, ta ashi.

“Iba ama otsü nung pai kangasa junga shilem agir. Rama aser Hanuman na mezüng ajurutepba otsüji ken ajanga shingaia pa amai junga metentetsü,” ta Singh-i sangdong ka ajanga ashi.