Javed-i Pakistan coach inyaktsü memulunger

Karachi, April 07 (Agencies): Taoba Pakistan fast bowler, Aaqib Javed-i Pakistan Cricket coach menden mabentsü lemtetba osang metetdaktsüogo.
Pai iba mendenji abentsü mulunga liaka, Pakistan Cricket Board (PCB)-i taoba coach, Waqar Younis melenzüker yimjak nung bushiba yong Javed-i jashia, coach mendenji mabentsü lemtet.
PCB-i coach inyaktsü asoshi Javed den taoba hopta ajurutep saka par tenteti yimjak nung bendanger coach bushiba osang angazükba yong Javed-i coach mendenji magizük.
“Ni tanga United Arab Emirates (UAE) coach lir aser ni iba coach menden metoktsütsü lemtetogo,” ta arishi küm 43 tain Javed-i sangoktsü.
1992 Cricket World Cup takok marok agizükba Pakistan telok asayar rong nung densemsang, Javed-i 1988 nungi 1998 tsüngda nung par Pakistan tenüng nung Test asaya 22 aser One-Day Internationals (ODI) asaya 163 tashi nung shilem agia liasü.
Javed-i assistant aser bowling coach ama par Pakistan telok küm 3 ser tesadang shi tenzükba osanga jangjaogo.
Pai cricket asayatsüren toktsüba sülen 2012 küm nungi tenzüka tanü tashi UAE telok coach teinyakdak lir.