Jayalalithaa asüba osang angashia nisung 8 asü, ka soseta asü

Coimbatore (Tamil Nadu), December 07 (Agencies): Tamil Nadu Chief Minister, Jayalalithaa asüba osang angashiba sülen nisung ti asü aser nisung ka soseta süogo.
Palladam Taluk nung alir arishi küm 50 P. Muthu Mongolbarnü temelungjang tashidak atua Coimbatore nung aliba hospital kati anir ao saka pa mekümzükteti asü. Jayalalithaa asüba osang TV nung anguba sülen pa temelungjang timtem adok.
Ano Krishnampalayam nung alir nisung ka tenüng agi Chidambaram (48)-a Mongolbar anepdang temelungjang tashitak ajanga asü. Ano party züngsem Chinnasamy (60)-a Chief minister asüba osang angashiba sülen asü.
Hombarnüa Manickampalayam nungi nisung ka tenüng agi Raj (38)-a Jayalalithaa süogo ta osang angashili temelungjang tashitak ajanga asü.
Mongolbarnü Makudanchavadi nung alir Muthu (62) television nung Jayalalithaa asüba sentong tereprangdak nung asü. Ano tanga tatalokba ka nung Bommiampatti nung aluyimer ka tenüng agi Sinnaiyan (67)-a tv tereprangdak nung asü.
Item ama mesükba tatalokba nungsa truck anir Singaram (45) Mongolbarnü asü, Paramathy Velur nungi Meena (52)-a television tereprangdak nung asü aser Kannankurichi nungi Govindan (50)-i tzübo nung pongokja pasasa asü.
Hombar aonung AIADMK züngsem, N. Ramachandran (45)-i pasasa mi agi rongseta asütsü merangba sülen pa CMCH-i anir ao, aser pa tang tajungba lir, ta police-i ashi.