Jayaram Canada Open semi tongogo

Canada Open

Calgary, July 02 (Agencies): India nuner Ajay Jayaram aser B Sai Praneeth nati takok ngua tang tasayadak Canada Open Grand Prix badminton asayamong semifinal asayatsü jenjang tanü, Honibar nü nguogo.
Temaba jenjang nung alir, Jayaram-i tanü minute 47 nung points 21-18 19-21 21-8 ngua külem sensopur, Harhseel Dani quarterfinal nung tsükdaktsü.
Taoba mapang Dutch Open takok marok 2 tashi agizüksang, Jayaram-i 3 buba jenjang nung alir, Korea nunger Lee Hyun Il den semifinal nung ajuruteptsü.
4 buba jenjang abener, Praneeth-ia minute 33 nung points 21-14 21-16 ngua Estonia nunger Raul Must tsükdaktsüba sülen France nunger Brice Leverdez den semifinal asayatsü jenjang ajangzük.
Ajisüaka, külem sensotsür, Ruthvika Shivani Gadde aser Tanvi Lad nati tanü tetsür singles asaya nung tamakok ngua liasü.
Bulgaria tsür, Linda Zetchiri-i points 16-21 12-21 agi Ruthvika tsükdaktsü aser America tsür, Iris Wang-i points 16-21 21-15 10-21 agi Tanvi madak takok angu.
Manu Attri aser B Sumeeth Reddy nati walkover agi Canada nunger Ted Chen aser Chinese Taipei nunger Liao Chao Hsiang na madak takok anguba sülen Indonesia nunger Andrei Adistia aser Canada nunger Dong Adam na den taruba tebur doubles round asayatsü jenjang nguogo.
Tetsür doubles asaya nunga Jwala Gutta o Ashwini Ponnappa natia walkover agi Australia tsür, Leanne Choo aser Canada tsür, Rachel Honderich na madak takok ngua liasü.
Manu o Ashwini natia walkover agi Sweden asayar, Nico Ruponen o Amanda Hogstrom na mixed doubles asaya nung tsükdaktsüogo.