Jayaram Dutch Open 2 buba round tongogo

Almere, October 07 (Agencies): Defending champion, India nunger Ajay Jayaram-i Netherlands nunger Mark Caljouw madak takok ngua tang tasayadak Dutch Open Grand Prix asayamong 2 buba round asayatsü jenjang tanü Bodbar nü nguogo.
Tan asayamong nung 3 buba jenjang abensang, Jayaram-i tanü points 19-21 21-17 21-18 ngua Mark tebur singles shilem indang 1 round nung tsükdaktsü.
Tawa Korea Open Super Series takok marok anguba sülen World No. 25 akümsang, Jayaram-i Germany nunger Fabian Roth den 2 buba round asayatsü lemzükogo.
Jayaram sülen anidaka, RMV Gurusaidutt-ia tanü points 21-8 21-9 ngua Belgium nunger Maxime Moreels madak 1 buba round asaya akokba osang jangjaogo.
Tan asayamong nung 9 buba jenjang abensang, Gurusaidutt-i Chinese Taipei nunger Chun-Wei den 2 buba round nung ajuruteptsü.