Jayaram-i tamakok ajuruogo

Vladivostok, July 25 (Agencies): India nunger badminton asayar, Ajay Jayaram-i tanü Honibar nü semifinal asaya nung tamakok anguba sülen tang tasayadak Russian Open Grand Prix nung shilem magitsüsa jenjang ajuruogo.
Tanüngba India asayartem, Manu Attri o B. Sumeeth Reddy aser Akshay Dewalkar o Prajkta Sawant nungeria par semifinal asaya nung tanü tamakok ajurua liasü.
Indonesia nunger Tommy Sugiarto-i tanü minute 33 nung points 21-17, 21-7 ngua tan asayamong nung 3 buba jenjang abensang, Jayaram semifinal nung tsükdakja final nung shilem agitsü jenjang angu.
Russia nunger tebur doubles asayar, Vladimir Ivanov aser Ivan Sozonov natia minute 43 nung points 19-21, 21-7, 21-16 ngua Attri o Reddy na madak takok ngua final-i ai.
Japan nunger Yuta Watanabe aser külem sensotsür, Arisa Higashino nati minute 22 nung points 21-10, 21-8 ngua Dewalkar o Sawant nata mixed doubles semifinal nung tsükdaktsü.