Jayaram Korea Open quarter tongogo

Seoul, September 29 (Agencies): India nunger badminton asayar, Ajay Jayaram-i takok ngua asayaba sülen tang tasayadak Korea Open Super Series badminton asayamong tebur singles quarterfinal asayatsü jenjang tanü, Brehostibar nü ajangzükogo.

World No. 27, Jayaram-i minute 40 shi asayaba sülen points 21-15 21-18 agi China nunger Huang Yuxiang tanabuba round nung tsükdaktsü.

Tan asayamong nung 9 buba jenjang abensang, Jayaram-i par quarterfinal asaya Korea nunger Lee Hyun Il den asayatsü lemzükogo.

Ajisüaka, külem sensopur, B Sai Praneeth-i tanü tamakok ngua, tan asayamong nung joko toktepa shilem magitettsüsa jenjang tamajung ajurua liasü.

Tan asayamong nung 6 buba jenjang abener, Korea nunger Son Wan Ho-i minute 34 shi nung points 21-9 21-15 ngua, Praneeth tanabuba round nung tsükdaktsü.