Jayaram, Prannoy & Srikanth 2 buba round-i iogo

Tokyo, September 21 (Agencies): India nunger badminton asayartem, Ajay Jayaram, HS Prannoy aser Kidambi Srikanth nungeri takok ngua, tang tasayadak Japan Super Series tebur singles 2 buba round asayatsü jenjang tanü, Bodbar nü ajangzükogo.
Jayaram-i tanü minute 46 nung points 21-19, 23-21 agi Indonesia nunger Sony Dwi Kuncoro 1 buba round nung tsükdaktsü aser Prannoy-i points 23-21, 19-21, 21-18 agi Malaysia nunger Iskandar Zulkarnain Zainuddin madak takok angu.
World No. 13, Srikanth-ia tanü ghonda 1 ser minute 2 nung points 14-21, 21-14, 23-21 ngua külem sensopur, P Kashyap 1 buba round nung tsükdakja liasü.
Jayaram-i Srikanth den 2 buba round asayatsü lemzükogo aser Prannoy-i Hong Kong nunger Wong Wing Ki Vincent aser Denmark nunger Viktor Axelsen na rong nung takok angur den 2 buba round nung ajuruteptsü.
Ano külen, Hong Kong nunger NG Ka Long-i points 9-21, 23-21, 21-10 ngua, India nunger B Sai Praneeth tsükdaktsüba osang jangjaogo.